Mick Mulvaney, ish-shefi i kabinetit të Presidentit Donald Trump, ka dhënë dorëheqjen si i dërguar i posaçëm i SHBA në Irlandën e Veriut.

“Unë telefonova Sekretarin e Shtetit, Mike Pompeo natën e kaluar për ta bërë të ditur se unë po jepja dorëheqjen. Nuk mund ta bëj. Nuk mund të qëndroj ”, tha Mick Mulvaney në një intervistë ekskluzive në “Squawk Box”.

“Ata që zgjedhin të qëndrojnë dhe unë kam biseduar me disa prej tyre, po zgjedhin të qëndrojnë sepse janë të shqetësuar se presidenti mund të vendosë dikë më keq”, tha Mulvaney.

Ai gjithashtu ka deklaruar se zyrtarë të tjerë mund të japin dorëheqjen pas trazirave të së mërkurës në Capitol Hill në SHBA.