Kryeministri i Shqipërisë, Edi Rama fton të gjithë fermerët që të bëhen pronarë të tokave të tyre.

I pari i qeverisë ka nisur një fushatë për të sensibilizuar ata, të marrin masat e nevojshme që të jenë pronarët e ligjshëm të tokave të tyre, duke pasur dokumentet e nevojshme.

Njeherësh kjo bëhet edhe për të shmangur falsifikimin e pronave, dhe “pronarëve” të rrejshme t’u pamundësohet shfrytëzimi.

Fermerët mund ta bëjnë duke ju drejtuar bashkisë apo njësisë administrative ku ndodhet prona.

Plotësimi i dokumentacionit bëhet falas. Aplikimi mund të bëhet deri më 31 dhjetor 2018, shkruan në njoftimin e kryeministrit Rama.