Demokratët e SHBA-së kanë kërkuar që Turqia të mos përzihet në konfliktin mes Azerbajxhanit dhe Armenisë në Kaukaz. Luftimet mes forcave të të dy palëve po ndodhin në rajonin e Nagorno-Karabakh ndërkohë që konflikti mund të degjenerojë në një luftë rajonale.

Robert Elliot ka kërkuar me anë të një deklarate të martën që mos të ketë përzierje të palëve të treta në konflikt, derisa edhe ka thënë që luftimet duhet të ndalen dhe të arrihet një zgjidhje paqësore.

“Ndikimi i aktorëve të jashtëm si Turqia që po përzihet pa kokëçarje në konflikt është problematik”, thuhet ndër të tjera në deklaratë.