Eminem ka publikuar një album të ri surprizë, të titulluar, “Music to Be Murdered By”.

Reperi i lindur në Detroit e publikoi këtë album të enjten në mesnatë. Albumi, i prodhuar nga Eminem dhe bashkëpunëtori i tij prej një kohe të gjatë Dr. Dre, përfshin gjithashtu emrat e njohur në të si: DJ Premier, Ty Dolla $ ign dhe Sly Pyper.

Eminem gjithashtu mori një qasje të publikimit surprizë ndaj dy albumeve të tij të mëparshëm “Music to Be Murdered By”, të publikuar në janar dhe “Kamikaze”, të publikuar në vitin 2018, shkruan CNN.

Në mesin e 16 këngëve të reja është edhe “Zeus”, një këngë në të cilën reperi i kërkon falje Rihannës mbi tekstin dekadë të vjetër për Chris Brown që doli në vitin 2019.

Në këngë, Eminem shprehet se “anoi” nga Brown pasi ky i fundit u shpall fajtor për sulmin që ia kishte bërë ish-të dashurës së tij, Rihannës, në vitin 2009.

Teksti i këngës citon: “Por, mua, për sa kohë që unë përsëri premtoj të jem i sinqertë / Dhe me gjithë zemër, kërkoj falje, Rihanna; Për atë këngë që rrjedhi, më falni, / Nuk kishte për qëllim t’ju shkaktonte hidhërim. Pavarësisht, ishte gabim për mua”.

Spekulimet se një album i ri i Eminemit po publikohej, qarkulluan thuajse gjatë gjithë javës në rrjetet sociale.