Familja e Astrit Deharit ka arritur në Prokurorinë Themelore në Prizren për ta marrë raportin e Institutit zviceran të Mjekësisë Ligjore lidhur me vdekjen e të birit.

Dje, avokati i familjes Dehari, Tomë Gashi, e bëri të ditur këtë përmes një postimi në Facebook.

Ky raport ka ardhur ditë më parë në Kosovë. Atë e ka kërkuar familja Dehari, por nuk i është dhënë deri tash nga prokuroria me arsyetimin se duhet të përkthehet në gjuhën shqipe.