Legjenda e tenisit, zvicerani Roger Federer ka dhënë një lajm të keq për të gjithë fansat e tij.

Në një intervistë ai ka folur për herë të parë edhe për pensionimin duke lënë të kuptohet se mund të ndodhë edhe vitin që vjen.

“Tani e kam një ide sesi do të rrjedhë viti 2019”, tha ish-numri një i botës për SRF.

“Edhe pse ende nuk e di saktësisht se çfarë do të ndodhë këtë pranverë në terrenet me bar dhe beton”, tha Federer, transmeton ksp.

Tetë herë fituesi i Wimbledonit tha se nuk e di nëse do të luajë pas vitit 2019.

“Jam në bisedime të vazhdueshme me ekipin tim dhe do ta shohim nëse do ta kem edhe një vit tjetër apo jo”, tha zvicerani.

Federer vlerësohet si tenisti më i mirë i të gjitha kohërave nga shumë ekspertë dhe ish-tenistë. Ai mban rekordin për më së shumti tituj Grand Slam të fituar në histori, 20 sosh, katër më shumë se Rafael Nadal dhe gjashtë më shumë se Pete Sampras dhe Novak Gjokoviq.