Opinionistja Aida Dërguti ka komentuar ftesën për takim të kryeministrit Albin Kurtit, për Lumir Abdixhikun.

Ajo e quajti këtë të pakuptimtë, duke u shprehur se LDK-së nuk i janë rritur numrat që nga takimi i fundit.

“Mendoj që është totalisht e pakuptimtë edhe oferta për një takim, sepse nuk iu kanë rritë numrat Lumir Abdixhikut, pra i ka ata 15 që nuk i mjaftuan në takimin e fundit. Është nonsens të pranohet një takim pas një ofendimi publik, mendoj që ka qenë tallje edhe hera e parë që ka shkuar”, tha ajo sonte në emisionin “Rubikon” në Klan Kosova.