Kampioni i botës në peshën e rëndë në boks, Tyson Fury pritet të fitojë më tepër se 120 milionë euro brenda një viti nëse pranon duelin me britanikun Anthony Joshua, shkruan “The Sun”.

Fury të shtunën mbrëma në Las Vegas mposhti me ndërprerje në raundin e shtatë amerikanin Deontay Wilder, duke ia rrëmbyer titullin WBC.

Fury do të fitonte para të mëdha në rast se vendos për përballje për unifikim të gjithë titujve me britanikun Anthony Joshua. Joshua ka titujt në versionet, WBA, IBF, WBO dhe IBO.

Për meçin ndaj Wilderit, raportohet se Fury ka fituar së paku 35 milionë euro. Por, përballja eventuale me Joshuan do të kishte dukshëm më tepër para, së paku 90 milionë euro.

Po ashtu Fury pritet të rrisë dukshëm të hyrat nga sponsorët, pas rikthimit të titullit të botës.