Kushtrim Gara, koordinator i Komisionit Qeveritar për Persona të Zhdukur, ka shprehur ngushëllime për vdekjen e ish-kryetarit të komunës së Klinës, Prenkë Gjetaj, njëherit ish kryetar i Komisionit për Persona të Pagjetur të Luftës në Qeverinë e Republikës së Kosovës.

Gara ka thënë se i ndjeri Gjetaj do të mbetet gjithmonë një shembull i vërtetë i humanistit e njeriut të urtë, por edhe gjithnjë i pamposhtur në qëndrimet e tij të drejta.

Postimi i plotë:

…𝑵𝒋𝒆̈ 𝒍𝒂𝒋𝒎 𝒒𝒆̈ 𝒔’𝒆 𝒅𝒆̈𝒔𝒉𝒊𝒓𝒖𝒂𝒎…
𝐋𝐀𝐌𝐓𝐔𝐌𝐈𝐑𝐄̈ 𝐊𝐑𝐘𝐄𝐓𝐀𝐑
𝐏𝐑𝐄𝐍𝐊𝐄̈ 𝐆𝐉𝐄𝐓𝐀𝐉
(𝟐𝟎 𝐤𝐨𝐫𝐫𝐢𝐤 𝟏𝟗𝟒𝟖 – 𝟐𝟐 𝐪𝐞𝐫𝐬𝐡𝐨𝐫 𝟐𝟎𝟐𝟒)
Sot morëm lajmin e dhimbshëm për ndarjen nga jeta e bashkëpunëtorit e mbështetësit të jashtëzakonshëm, Kryetarit Prenkë Gjetaj
I dhimbshëm lajmi për ndarjen nga veprimtari i orëve të para për çlirimin e vendit…Njeriut me përgatitje të lartë kombëtare dhe një zemër të madhe.
Do të mbetet gjithmonë një shembull i vërtetë i humanistit e njeriut të urtë, por edhe gjithnjë i pamposhtur në qëndrimet e tij të drejta. Nga i cili mësuam shumë , e mbi të gjitha se çfarë do të thotë të jesh i drejtë dhe i palëkundur. Shembulli i tij është një udhërrëfyes që duhet ndjekur nga të gjithë ne.
Ngushëllime familjes, bashkëpunëtorëve e miqve të shumtë!
Le të gjejmë forcë dhe frymëzim nga jeta dhe vepra e tij.
Kujtimi i tij do të jetojë gjithmonë në zemrat tona, duke na frymëzuar për të vazhduar punën e tij.
Personalitetet si historiani Prenkë Gjetaj bëhen protagonist të historisë dhe respekti për ta nuk zbehet kurrë.
𝐏𝐮𝐬𝐡𝐨 𝐧𝐞̈ 𝐏𝐚𝐪𝐞𝐧 𝐞 𝐏𝐞̈𝐫𝐣𝐞𝐭𝐬𝐡𝐦𝐞, 𝐏𝐫𝐞𝐧𝐤𝐞̈ 𝐆𝐣𝐞𝐭𝐚𝐣