Deputetja e Lidhjes Demokratike të Kosovës, Besa Gaxherri, ka kërkuar nga presidenti Hashim Thaçi, që të mos i heqë simbolet e ish presidentit Ibrahim Rugova, raporton Ekonomia Online.

Gaxherri në seancën e Kuvendit të Kosovës, ka thënë se Thaçi po pretendon të zhdukë çdo gjurmë. Sipas saj, vlerat kombëtare nuk mund t’i dëmtojë kurrë.

“z. Thaçi i cili pretendon të zhdukë çdo gjurmë. Historia e kombit nuk ka filluar me ju e as nuk përfundon me ju. Populli është ai që i vlerëson vlerat kombëtare ju nuk mund ti zhvlerësoni vlerat e presidentit Rugova. E kotë është kur ju paguani miliona euro që të glorifikojnë personalitetin tuaj e ta fyejnë atë të Rugovës.  Vlerat kombëtare ju nuk mund ti dëmtoni kurrë. Atje mund të arrijnë vetëm shqiponjat ndërsa sorrat do të krrokatin poshtë.  Simbolet e presidentit Rugova do jenë të paprekshme nga kushdo qoftë në institucione”, tha Gaxheri, raporton EO.