Ministri i Jashtëm në detyrë i Shqipërisë, Gent Cakaj, e ka vlerësuar lartë vendimin e Asamblesë së Përgjithshme të OKB-së, ku shtetit shqiptar i dha pozicion të lartë ndërkombëtar.

Sipas Cakajt, kjo dëshmon qartë rolin në rritje të diplomacisë shumëpalëshe shqiptare në OKB, njofton Klan Kosova.

”Një super lajm për Shqipërinë …

Shqipëria sapo është zgjedhur në postin e lartë të Zv/Presidentit të sesionit të 75-të të Asamblesë së Përgjithshme të OKB-së!

Zgjedhja e Shqipërisë në këtë pozicion të lartë ndërkombëtar dëshmon fare qartë rolin në rritje të diplomacisë shumëpalëshe shqiptare në OKB.
Ndërsa këtë detyrë do ta kryejmë me përgjegjësi të plotë, ne po vazhdojmë angazhimin për të siguruar zgjedhjen e Shqipërisë si anëtar jo i përhershëm në Këshillin e Sigurimit për periudhen 2022-2023.

Suksese Ambasadores sonë në OKB, znj. Besiana Kadare, në këtë detyrë sa sfiduese aq edhe të rëndësishme për Shqipërinë e jo vetëm!”