Një mjet i dyshimtë është gjetur mbrëmë në një veturë në afërsi të gjimnazit “Bedri Pejani” në Pejë.

Rastin për Telegrafin e ka konfirmuar zëdhënësi i policisë për rajonin e Pejës, Fadil Gashi.

Gashi ka thënë se ankuesi e kishte dërguar veturën për riparim në një autoservis kur kanë hasur në mjetin e dyshimtë.

Sipas tij ende nuk dihet se për çfarë mjeti bëhet fjalë.

“Mbrëmë rreth orës 22:20 policia është njoftuar nga ankuesi se në veturën e tij të cilën e kishte për riparim në një autoservis, kanë vjetur një mjet të dyshimtë. Policia ka dalë në vendin e ngjarjes dhe ka bërë sigurimin e hapësirë dhe është njoftuar njësiti për demnim i policisë i cili ka ardhur dhe ka tërhequr mjetin. I njëjti është dërguar për ekspertizë për të parë se për çfarë mjeti të dyshimtë bëhet fjalë”, ka thënë Gashi.