Rreth tre mijë policë janë vendosur në rrugët e Berlinit para se të mbahet një protestë masive kundër masave të qeverisë gjermane kundër coronavirusit.

Kështu së paku ka njoftuar policia gjermane përmes një deklarate teksa ka bërë të ditur se pret që në protestë të marrin pjesë rreth njëzet mijë njerëz, transmeton CNN.

“Tani kemi 3000 kolegë të angazhuar për shkak të ngjarjeve të ndryshme. Ne po marrim shumë mbështetje nga shtetet e tjera dhe policia federale. Ju lutemi mbani distancën dhe qëndroni të sigurt ”, shkruan ndër të tjerash në njoftim, transmeton Telegrafi.

Në fillim të kësaj jave, qeveria e shtetit të Berlinit njoftoi se do të ndalonte zhvillimin e demonstratës, duke përmendur shkeljet e mundshme të rregullave të qeverisë për coronavirusin.

Por ndalimi u hoq të premten pas një vendimi të Gjykatës Administrative të Berlinit.

“Tubimi kundër politikës së coronavirusit të qeverive federale dhe shtetërore të planifikuara për 29 gusht, 2020 nga iniciativa ‘Lateral Thinking 711’, mund të zhvillohet”, njoftoi përmes një deklarate gjykata dhe më tutje shtoi, “Organizatorët duhet të veprojnë në përputhje me kushtet.

Ndryshe, Gjermania deri më tani ka konfirmuar mbi 241 mijë raste me COVID-19 dhe 9359 njerëz kanë vdekur.