Gjermania i paralajmëron qytetarët e vet të mos udhëtojnë në Turqi

Prishtinë | 20 Kor 2017 | 14:48 | Nga

Qeveria gjermane i ka paralajmëruar sot qytetarët e vet dhe firmat gjermane se përballen me rrezikun e arrestimeve arbitrare në Turqi.

“Njerëzve që udhëtojnë në Turqi për arsyeje private apo biznesore u bëhet thirrje të jenë tejet të kujdesshëm,” ka thënë Ministria e Jashtme e Gjermanisë.

Firmat përballen me rreziqe të investimeve në Turqi për shkak të mangësive ligjore, sipas kësaj ministrie.

Të martën, gjykata turke urdhëroi arrestimin e katër aktivistëve të të drejtave të njeriut, përfshirë dhe drejtorin e Amnesty International në Turqi, gjermanin Peter Steudtner dhe të një trajnuesit suedez, nën dyshimet për lidhje me grupe terroriste.

Gjermania protestoi duke dje ndaj Turqisë duke kërkuar lirimin e aktivistit gjerman.

Por, Turqia tha sot se kërkesa e Gjermanisë për ta liruar trajnuesin gjerman është e papranueshme dhe tentim për të ndërhyrë në gjyqësorin e Turqisë.

Fjalë Kryesore:

Të ngjashme