Piktori Fatmir Gjevukaj i cili që nga viti 2005 merret me formatin 3D, së fundmi ka sjell edhe figurën e Skënderbeut në këtë format.

Fatmir Gjevukaj ka thënë për KultPlus se ky punim është fotografi dhe është punuar me 3DsMax dhe Zbrush, dhe sipas tij, portreti i Gjergj Kastriotit Skënderbeut ishte një dëshirë e kahmotshme e tij.

“Kam tentuar që të inkorporojë në portretin e Skenderbeut virtytet sa më njerëzore të tij, si strateg ushtarak por edhe si mendimtar, gjithashtu edhe si një njeri i thjeshtë dhe real”, ka thënë Fatmir Gjevukaj.

“Gjatë realizimit të kësaj vepre kam bërë hulumtime të shumta dhe kam përdorur referenca të ndryshme të kohës në të cilën ka jetuar Skenderbeu, realizimi i së cilës mi ka marrë rreth një muaj kohë për të përfunduar. Kam tentuar që të inkorporojë në portretin e Skenderbeut virtytet sa më njerëzore të tij, si strateg ushtarak por edhe si mendimtar, gjithashtu edhe si një njeri i thjeshtë dhe real”, ka thënë Fatmir Gjevukaj për KultPlus.

Gjevukaj ka jetuar në SHBA deri në vitin 2012, atje kam punuar si Senior Character artist për disa Video Game Companies si Midëay dhe Intific. Poashtu ka qenë ligjërues i lëndëve digjitale Zbrush, 3Ds Max dhe i Anatomisë Klasike në Shkollën profesionale të Arteve “Gemini School of Visual Arts” në Cedar Park të Texasit.