Më shumë se 70 mijë euro janë deponuar në xhirollogaritë zyrtare të Komunës së Gjilanit, të cilat janë premtuar nga njerëzit e vullnetit të mirë në gala mbrëmjen humanitare “Pak nga ne, shumë për ata 2”, e organizuar me iniciativë të kryetarit të Komunë së Gjilanit, Lutfi Haziri, në mbështetje të fëmijëve me aftësi të kufizuara dhe nënave pa përkujdesje.

Kreu i Gjilanit, Lutfi Haziri, ka falënderuar të gjithë njerëzit e vullnetit të mirë, bashkatdhetarët, komunitetin e biznesit dhe gjithë të tjerët për solidaritetin, ndërsa ka apeluar tek të gjithë ata që janë deklaruar për ndihmë që të bëjnë deponimin e mjeteve në llogarinë bankare.

“Këto kategori janë pjesë e shoqërisë sonë, për të cilët duhet të kujdesemi në mënyrë të veçantë. Unë jam krenar me solidaritetin e njerëzve të vullnetit të mirë, të cilët e ndan një pjesë nga pasuria e tyre, në mënyrë që fëmijët me aftësi të kufizuara dhe nënat pa përkujdesje të kenë një jetë më të mirë”, ka thënë Haziri.

Këto janë xhirollogaritë zyrtare të Fondit “Pak nga ne, shumë për ata”, përmes të cilave njerëzit e vullnetit të mirë mund të kontribuojnë:

XK051960000579041180 EUR

XK051960000579044187 CHF

XK051960000579042150 USD

Përndryshe, në mbrëmjen humanitare “Pak nga ne, shumë për ata”, e mbajtur më 27 dhjetor 2017 janë premtuar mbi 200 mijë euro.