Ministri i Punëve të Jashtme të Serbisë, Marko Gjuriq, ka takuar sot Përfaqësuesin e Posaçëm të Bashkimit Evropian për dialogun ndërmjet Kosovës dhe Serbisë, Peter Sorensen.

Në njoftim, thuhet se Gjuriq, me Sorensen ka biseduar për zhvillimet në Kosovë dhe situatën në rajon.

‘’Gjuriq theksoi se Beogradi mbetet qartësisht i përkushtuar ndaj dialogut me Prishtinën dhe shprehu shpresën se së shpejti do të krijohen kushtet për vazhdimin e dialogut në nivel të lartë, pavarësisht, sipas tij, paqëndrueshmërisë politike shumëvjeçare në Prishtinë.’’, thuhet në postim.