Drejtori i të ashtuquajturës Zyrës për Kosovën në  Qeverinë e Serbisë, Marko Gjuriq, ka thënë se figurat kryesore politike në Kosovë nuk janë më unike sikur ishin më parë. Ai tha se për serbët nuk ka rëndësi kush do ta formojë qeverinë e Kosovës, sepse sipas tij, “të gjithë janë separatistë”.

“Nuk mund të them se me vjen mirë që po ‘përgjaken’, sepse nga këto konflikte gjithnjë e ‘pësojnë’ serbët”,  tha Gjuriq, duke përkujtuar faktin se  në Kosovë nde nuk është caktuar mandatari për qeverinë e re.

Siç raportojnë mediat serbe, Gjuriq, duke u thirrur në mos unitet të shqiptarëve të Kosovës thotë se “fakti është se shqiptarët më nuk janë unikë si dikur dhe se ata kanë ndryshuar jashtëzakonisht shumë si shoqëri”. Sipas tij, “në vitin 2001 lindur në Kosovë kanë 60, 000 foshnje, në vitin 2014 kanë lindur 32, 000, kurse në vitin 2018 vetëm 22,000”, përcjell Telegrafi.

Ai tha se  është me rëndësi që serbët pavarësisht nga dallimet partiake, vendosën të qëndrojnë prapa Listës Serbe.

Sipas tij nuk është e rëndësishme kush do ta formojë qeverinë e Kosovës.

“A do ta formojë Kurti, ose Murti,  kjo është e parëndësishme. Separatistë janë njëri dhe tjetri, edhe i treti …”, tha Gjuriq. /Telegrafi/