Ish-emisari i Presidentit të Shteteve të Bashkuara të Amerikës për dialogun Kosovë-Serbi, Richard Grenell, i ka reaguar ambasadorit amerikan në Prishtinë, Jefrey Hovenier, pasi ky i fundit është shprehur i zhgënjyer me disa raportime në mediat kosovare rreth takimit të Kurtit në Washington me këshilltarin e Joe Biden, Jake Sullivan.

Grenell ka thënë se nuk është pasaktësi të thuhet që Kurtit nuk i është ofruar një takim në Shtëpinë e Bardhë.

“Përderisa është e vërtetë që disa takime mbahen në ojbketin e Eisenohower, Kurti nuk u shpërblye me një takim në zyrat e Këshillit për Siguri Kombëtare, në dhomën e Rusvelt-it apo në zyrën Ovale. Ai mund të kishte, por s’i pati”, ka shkruar Grenell, raporton Express.

Ish-emisari tutje ka thënë se Kurti është përballur me kritika të ashpra nga Demokratët dhe Republikanë në Kongres gjatë takimeve në Capitol Hill.

“Ai ishte i mbushur me justifikime dhe jo me ide të reja. Politikanët amerikanë nuk ishin të lumtur që ai refuzoi ndihmën e qeverisë amerikane për energjinë e pastër”, ka shtuar tutje ish-emisari amerikan.

Në fund Grenell thotë që “edhe ekipi i dobët e Bidenit është i dëshpëruar me Kurtin. Kjo është e vështirë për t’u arritur”.

It isn’t inaccurate to say that Kurti was not given a White House meeting.

While it is true that some meetings take place in the EEOB; Kurti did not get rewarded with a meeting in the NSA’s office, the Roosevelt Room or the Oval. He could have – but he wasn’t. https://t.co/aaUzr79Yj4

— Richard Grenell (@RichardGrenell) May 31, 2022