Një zyrtar saudit nënvizoi të premten se mbretëria po ecën përpara me një plan për të gërmuar një kanal që do ta kthente gadishullin fqinj të Katarit në një ishull, në mes të një grindje diplomatike midis kombeve të Gjirit.

“Unë jam duke pritur me padurim për detaje mbi zbatimin e projektit të ishullit Salwa, një projekt i madh historik që do të ndryshojë gjeografinë e rajonit,” tha Saud al-Qahtani, një këshilltar i lartë i princit të kurorës Mohammed bin Salman në Twitter.

Plani, i cili do ta ndante fizikisht gadishullin e Katarit nga kontinenti saudit, është pika më e fundit e konfliktit në një mosmarrëveshje të gjatë 14-mujore midis dy shteteve.

Arabia Saudite, Emiratet e Bashkuara Arabe, Bahreini dhe Egjipti kanë ndërprerë marrëdhëniet diplomatike dhe tregtare me Katarin në qershor 2017, duke e akuzuar atë për mbështetjen e terrorizmit dhe duke qenë shumë pranë Iranit, ndërkohë që zyrtarët në Doha i mohojnë akuzat.

Në muajin prill, uebsajti i lajmeve pro-qeveritare Sabq njoftoi se qeveria ka në plan të ndërtojë një kanal 60 km të gjatë dhe 200 metra të gjerë që shtrihet përgjatë kufirit me Arabinë Saudite me Katarin.

Një pjesë e kanalit, që do të kushtonte deri në 2.8 miliardë rijal (750 milionë dollarë), do të rezervohej për një impiant bërthamor, deklarohej në atë kohë.