Kryeministri Ramush Haradinaj ende po shpreson që kosovarët do të lëvizin pa viza në zonën Schengen shumë shpejt, edhe pse kjo çështje nuk është në agjendën e Këshillit të ministrave të BE-së, raporton Ekonomia Online.
Haradinaj në mbledhjen e Qeverisë tha se Kosova i ka kryer të gjitha obligimet e saja si shtet dhe është në hap me agjendën evropiane.
Kur foli për taksën ndaj Serbisë, ai tha gjendja në veri është e qetë dhe stabile dhe të gjithë qytetarët nuk kanë pengesa as në gjëra elementare.
“Vendimi për taksën respektohet i plotë dhe gjitha institucionet e Kosovës kanë qenë të respektuar në gjitha vendimet e marra”, tha Haradinaj.