Ish-kryeministri Ramush Haradinaj, ka reaguar ndaj deklaratës së zëdhënësit të Qeverisë, Përparim Kryeziu, i cili në një intervistë për Ekonomia Online ka thënë se Marrëveshja e Washingtonit s’ka vlerë juridike.

Haradinaj ka thënë se nëse Albin Kurti nuk e përgënjshtron këtë deklaratë të zëdhënësit të tij, atëherë merr përgjegjësinë për rrezikimin e partneritetit strategjik me Shtetet e Bashkuara të Amerikës.

“Qeveria Kurti paska deklaruar se e vetmja marrëveshje ndërmjet Kosovës dhe Serbisë, që është nënshkruar në Shtëpinë e Bardhë, qenka juridikisht e pavlerë! Nëse Kryeministri, nuk e përgënjeshtron këtë deklaratë të zëdhënësit të tij, ai merr gjithë përgjegjësinë e rrezikimit të partneritetit strategjik me Amerikën që është jetik për Kosovën”.

Kreu i AAK-së thotë se një gjë të tillë s’mund ta bëjë askush.

“Këtë nuk do të mund ta bëjë askush, asnjë qeveri e asnjë kryeministër!”, ka përfunduar Haradinaj.

LEXONI EDHE:

Kryeziu: Marrëveshja e Washingtonit s’ka vlerë juridike – Qeveria e përkushtuar për çështjen e të pagjeturve