Kryeministri në detyrë, Ramush Haradinaj, sot ka vizituar Gremen e Ferizajt, ku po bashkëbisedon me qytetarë të asaj ane.

Haradinaj ka folur edhe për përvojën e tij të rëndë mbi përpjekjet për ndarjen e Kosovës.

Ai ka thënë se ka pasur raste, kur i është thënë se pa “aminin” e Serbisë nuk kryhet kurgjë.

“Kanë dashtë me na dorëzu para Serbisë. Mu m’kanë thanë, pa aminin e Serbisë s’mun i kryjmë puntë”, ka thënë ai.

Haradinaj ka treguar se si i është përgjigjur kësaj deklaratë, që nuk ka treguar se nga kush i është thënë.

“Thashë moni kshtu, se me prit aminin e Serbisë s’kishmi mujt me u ba kurrë shtet”, ka theksuar Haradinaj.

Ai tutje ka thënë se respekton qytetarët e Ferizajt.

“Kurrë nuk e kam kthy qytetarin prapa”, ka thënë Haradinaj.