Ministri i Tregtisë dhe Industrisë, Bajram Hasani njëherësh kryetar i degës së Nismës Socialdemokrate në Gjilan, është duke vazhduar krijimin e nëndegëve të kësaj partie nëpër të gjitha lagjet dhe fshatrat e qytetit të Gjilanit. Ai nëpërmjet një postimi në Facebook, ka treguar se sonte ka themeluar edhe nëndegën e Nismës në Qendrën e Gjilanit. Kryetar i kësaj nëndege është zgjedhur Uran Mujku.

“Procesin e konsultimeve dhe analizës me strukturat dhe anëtarësinë e Nismës Socialdemokrate në Gjilan jemi duke e vazhduar ende. Veç kësaj po vazhdojmë procesin e shtrirjes kudo nëpër Gjilan me krijimin e nëndegëve të reja dhe pranimin e anëtarëve të ri në radhët tona. Në këtë kuadër sonte në Gjilan, themeluam nëndegën e Qendrës së qytetit. Kryetar i kësaj nëndege është zgjedhur Uran Mujku.”, ka thënë Hasani.

“Gjithnjë e më shumë qytetarët po i bashkohen programit dhe kauzave tona.”, është shprehur Hasani.