Nënkryetari i LDK-së, Lutfi Haziri, në Frontal të T7 ka folur rreth profilit të politikanit të vrarë serb, Oliver Ivanoviqit dhe përkujtimin që Kryeministri Kurti ia ka bërë atij.

Haziri ka thënë se qasja e Ivanoviqit, të cilin e vlerësoi Kurti në pesë vjetorin e vrasjes së tij, ka qenë e dëmshme për Kosovën menjëherë pas lufte.

Nënkryetari i Kurtit ka përmendur se dënimin për krime lufte ndaj popullsisë shqiptare të Ivanoviqit, por edhe angazhimin e tij politik, në lëvizjet që ishin të lidhura me Beogradin zyrtar

“Impaktin që e kanë pasur, impaktin politik që e ka pasur lëvizja e tij kundërshtuese e shtetit të Kosovës, dëmet janë akoma të pariparueshme”, ka thënë Haziri.

Ai ka thënë se Kurti po i reciklon disa prej figurave të listës “Povratak”, që ka përfaqësuar serbët e Kosovës paslufte, duke përmendur angazhimin e Rada Trajkoviqit si këshilltare e ministrit për Komunitete dhe Kthim.

“Ai tani po punon me të listës “Povratak”. Një ish-ministre, një ish-lidere në kohën e Millosheviqit është në kabinetin e tij si këshilltare [Rada Trajkoviq], tregon se ai po punon me fosile politike”, ka thënë Haziri.

Për vlerësimin që Kurti i bëri Ivanoviqit, Haziri thotë se kjo më shumë flet për profilin politik të Kryeministrit.

“Askush nuk ka besuar që Kryeministri del dhe e përkujton një kriminel lufte, deri dje”, ka thënë nënkryetari i LDK-së, duke thënë se Kurti e përshkroi Ivanoviqin si një burrështetas.

“Me dalë edhe me përkujtu një të dënuar për krime lufte, është i papranueshëm për ne. Ai mund të flasë si Albin Kurti, por jo si Kryeministri i Kosovës”, ka thënë Haziri.