Hoti: Është e udhës që secili deputet ta mbështes ligjin për buxhetin e vitit 2021

Kryeministri i vendit, Avdullah Hoti, ka thënë se është eudhës që secili deputet ta mbështes ligjin për buxhetin e vitit 2021.

“Votimi i këtij ligji mundëson mbështetjen për punëtorët e papunë dhe për biznese që janë në vështirësi financiare për shkak të pandemisë”, shkruan Hoti ndër të tjera.

Postimi i tij i plotë:

Nesër në Kuvendin e Kosovës shqyrtohet ligji i buxhetit për vitin 2021. Është e udhës që secili deputet të jetë në seancë dhe të mbështesë këtë ligj.

Votimi i këtij ligji siguron stabilitet financiar në pjesën e partë të vitit të ardhshëm, kur të hyrat buxhetore janë të pakta. Votimi i këtij ligji mundëson mbështetjen për punëtorët e papunë dhe për biznese që janë në vështirësi financiare për shkak të pandemisë.