Kryeministri Avdullah Hoti ka thënë se është i kënaqur me koordinimin mes Bashkimit Evropian dhe Shteteve të Bashkuara të Amerikës për marrëveshjen finale Kosovë-Serbi.

Ai përmes një postimi në Facebook ka bërë të ditur se sot është takuar me emisarin Special të BE-se për dialog në mes të Kosovës dhe Serbisë, Mirosllav Lajcak, dhe Zëvendës Ndihmës Sekretarin e Departamentit të Shtetit të SHBA-së, Matthew Palmer.

Hoti ka bërë të ditur se kanë diskutuar për zhvillimet në dialog deri me tani dhe takimin e nesërm të nivelit të lartë.

“Jam shume i kënaqur që po shoh koordinim të plotë në mes të BE-së dhe SHBA-së lidhur me marrëveshjen finale në mes të Kosovës dhe Serbisë”, ka shkruar ai.