Ish-prorektori, Afrim Hoti, ka treguar se është larguar nga Rektorati për të vazhduar punën e profesorit për arsye se nuk është pajtuar më mënyrën e punës që është duke e bërë Marjan Dema.
Madje, Hoti ka thënë se çfarëdo lidhje e largimit të tij me arsye të tjera janë jo të vërteta.

“Po tërhiqem nga pozita e Prorektorit për Marrëdhënje me Jashtë i Universitetit të Prishtinës, thjesht pas një takimi që së fundmi pata me rektorin dhe ku konstatuam se problemet dhe proceset në Universitetin e Prishtines i shohim në mënyra të ndryshme”, ka reaguar Hoti.

“Çfarëdo tentative për të lidhur dorëheqjen time me arsye apo punë të tjera është dezinformatë, qëllimkeqe dhe tendencioze”, ka shtuar ai.

Hoti ka bërë të ditur se do të vazhdojë punën time si profesor Departmentin e Shkencave Politike.

Prorektori që u tërhoq nga UP’ja, ishte i përfshirë në një skandal

Prorektori për marrëdhënie ndërkombëtare në Universitetin e Prishtinës, Afrim Hoti i cili ishte i përfshirë në skandalin e diplomimit jo të rregullt të Bekë Kuqit – kushëririt të Hajredin Kuqit – ka bërë kërkesë zyrtare për largim nga Universiteti i Prishtinës.

Në diplomimin e tij të shkollimit universitar, Bekë Kuqi dyshohet se diplomoi në mënyrë të parregullt dhe përgjegjësinë për këtë, sipas profesorit të UP-së Arben Hajrullahu, e mban edhe profesori Afrim Hoti, së bashku me profesorin Dashmir Bërxulli dhe dekanin e Fakultetit Filozofik, Bujar Dugolli.
E pikërisht Hoti ka njoftuar rektorin e UP-së, Marjan Dema, se me kërkesën e tij dëshiron të lirohet nga detyra e prorektorit për marrëdhënie ndërkombëtare. Këtë dëshirë, Hoti e ka shprehur në shenjë pakënaqësie për zhvillimet e fundit që kanë noddhur në UP, njofton Gazeta Zëri.

Hoti ka paralajmëruar se në ditët në vijim do të bëjë edhe kërkesë zyrtare për t’u liruar nga detyra.

“Prandaj, në ditët ne vijim do bëjë kërkesë zyrtare për t’u liruar nga detyra”, ka deklaruar Hoti.

Profesori Arben Hajrullahu, më 25 janar të vitit 2016, i kishte dërguar kërkesë Afrim Hotit dhe dy të përfshirëve të tjerë në skandalin e diplomimit të dyshimtë të Kuqit, duke shprehur habinë për veprimet që kishin ndodhur në afatin e nëntorit, në vitin 2015.

Bekë Kuqi brenda një muaji kishte marrë notën 8 në lëndën “Hyrje në Shkencat Politike”, të semestrit të parë të studimeve Bachellor, ishte notuar me 8 në lëndën “Politikë Botërore”, lëndë e vitit të dytë-semestri i katërt i cili po ashtu në këtë lëndë, studenti Kuqi fillimisht ishte notuar me jo kaluese, me 5.

I afërmi i Hajredin Kuqit po ashtu brenda atij muaji kishte arritur të diplomoj në nëntor të vitit 2015 kur kishte dhënë provimin e një lënde të vitit të parë dhe një të vitit të dytë.

Profesori, Hajrullahu, kishte kërkuar përgjigje për rastin në fjalë nga Bërxulli, Dugolli dhe Afrim Hoti. Përgjigja e Hotit i revoltuar ishte se nuk do të merr përgjigje për ato çfarë po dëshiron Hajrullahu as me gojë e as me shkrim.

Në provimin “Politika botërore”, Hajrullahu thotë se Bekë Kuqi kishte rënë nga provimi të cilin e kishte vlerësuar Arben Hajrullahu. Por ia kishte mundësuar që brenda afatit ta sillte një punim, dhe kështu ta kalonte provimin.

Këtë praktikë Hoti thotë ta ketë ndjekur me të gjithë studentët që u ka mbetur vetëm një provim për të diplomuar, me qëllimin që të mos ua humbiste afatin.

Bekë Kuqi më pas ishte punësuar në Universitetin e Prishtinës, dhe sot e kësaj dite mban pozitën e zyrtarit për zotime dhe buxhet, në Rektoratin e UP-së.

TEMAT:AFRIM HOTILAJMEPROREKTORI