Kryetari i Grupit Parlamentar të LDK-së, Avdullah Hoti ka takuar sot në Bruksel Presidentin e Partive Popullore Evropiane Joseph Daul, i shoqëruar nga Deputetët Driton Selmanaj dhe LumirAbdixhiku.

Gjatë këtij takimi, Hoti i përcjelli Presidentit Daul falënderimet e Kryetarit të LDK-së, Isa Mustafa për mbështetjen që EPP, si forca kryesore politike në kuadër të BE-së, ka dhënë për Kosovën.

Hoti e njoftoj Daul lidhur me qëndrimin e LDK-së për dialogun me Serbinë, se LDK e mbështetë dialogun si e vetmja mundësi për normalizimin e marrëdhënieve me fqinjin verior.

Hoti e njoftoi gjithashtu Daul për zhvillimet politike në Kosovës, duke shprehur gatishmërinë që LDK-ja të udhëheqë dhe të krijojë koncenzusin e nevojshëm politik për dialogun pas legjitimimit në zgjedhje të lira.

Hoti i kërkoi Daulit mbështetje për liberalizimin e vizave për qytetarët e Kosovës përmes mbështetjes nga ana e deputetëve të EPP-së në Parlamentit Evropian pasi që Komisioni Evropian të dorëzojë raportin në Parlamentin Evropian.

Daul u shpreh se do t’i qëndrojë në krah Kosovës dhe LDK-së, si parti anëtare e EPP-së, në rrugën e integrimit evropian.