Ministrja e Drejtësisë, Dhurata Hoxha, ka dënuar sulmin e mbrëmshëm ndaj gazetarit Parim Olluri, i cili u sulmua nga tre persona, derisa ishte afër banesës së tij me bashkëshorten.
Ministrja Hoxha thotë se sulmi ndaj Parim Ollurit është sulm ndaj fjalës së lirë, medias së pavarur dhe lirisë së çdo qytetari, andaj e cilëson si të papranueshëm dhe të dënueshëm, transmeton Express.

“Parim Olluri është udhëheqës i një mediumi dhe sulmi fizik ndaj tij është sulm edhe ndaj vlerave të shtetit tonë, të drejtës së deklarimit dhe lirisë së shprehjes”, ka shkruar Hoxha në Facebook.