Prishtinë, 24 Janar 2019 – Ministrja e Integrimit Evropian, Dhurata Hoxha, priti në takim, zëvendës kryeministrin e Maqedonisë Veriore për Integrimin Evropian, Bujar Osmani, me të cilin diskutoi rreth çështjes së dinamizimit të bashkëpunimit të ndërsjellë dhe procesin integrues.

Ministrja Hoxha e përgëzoi zv. Kryeministrin Osmani për të arriturat e Maqedonisë në muajt e fundit, duke shprehur gatishmërinë e thellimit të bashkëpunimit.

“Bashkëpunimi ynë duhet të njoh dinamizim dhe përkushtim të shtuar, për çështjet me interes të dy vendeve tona dhe rajonit. Ne duhet të kemi përparime tjera edhe për proceset dhe rrugën e përbashkët integruese”, theksoi Ministrja Hoxha.

Zëvendës kryeministri Osmani theksoi gatishmërinë e ofrimit të përvojave në procesin integrues të Maqedonisë, duke theksuar se gjenden disa hapa përpara në proces dhe këmbimi i përvojave si dhe përkushtimi i shtuar në këtë proces, do të ishte i mirëseardhur për të dyja vendet.