Zëvendëskryeministri Enver Hoxhaj, është parë të dalë nga ndërtesa e Kuvendit, aty ku ekipi negociator i Kosovës për dialog ka nisur takimin për harmonizimin dhe finalizimin e platformës për dialogun me Serbinë, raporton Ekonomia Online.

Në takim janë parë të kenë hyrë Fatmir Limaj, Enver Hoxhaj dhe Avni Arifi.

Ndryshe, kryeministri i Kosovës, Ramush Haradinaj sot më herët ka folur rreth platformës së dialogut, për të cilën tha se ajo gjatë ditëve në vijim do t’i dorëzohet parlamentit.

Kreu i qeverisë ka theksuar se nëse i japin përkrahje platformës, atëherë do të jenë unik të gjithë, ndërsa i ka ftuar partitë opozitare që të kontribuojnë dhe të jenë pjesë e kësaj platforme, pasi vetëm në këtë formë do të jenë fitues të gjithë.