Ministri i Jashtëm i Kosovës, Enver Hoxhaj i ka reaguar kryeministrit tw Serbisw, Aleksandar Vuçiq për deklaratat e fundit në raport me Kosovën duke i quajtur destabilizuese dhe anti-paqësore për rrugën që do të duhej ta ndiqtë rajoni.

Me këtë reagim, Hoxhaj i është bashkuar deklaratave në distancë të disa ditëve të fundit nga Prishtina dhe Beogradi, vecmas Kryeministrit Isa Mustafa dhe atij serb, Aleksandër Vuçiq.

“Përpjekja e Serbisë për të manipuluar serbët e Kosovës që ti bojkotojnë institucionet e Kosovës tregon fytyrën e vërtetë dhe karakterin destabilizues dhe anti-paqësor që ka Serbia” ka reaguar Hoxhaj në Twitter.

Deri tek ky reagim i shefit të diplomacisë kosovare ka ardhur pas takimit të para dy ditëve në Beograd të përfaqësuesve të Listës Srpska me Kryeministrin e Serbisë, dhe njoftimin e tyre të sotëm se do ti bojkotojnë institucionet e Kosovës.