Bashkimi Evropian duhet të jetë i kujdesshëm ndaj rrolit kinez dhe rus në Ballkanin Perëndimor. Kështu ka thënë në ish-ministri i jashtëm, Enver Hoxhaj, në një shkrim ku flet për menaxhimin e situatës shëndetësore në Ballkan nga pandemia Covid-19. Ai, gjithashtu thotë se ka ardhur koha që Bashkimi Evropian të përfundojë naivitetin e saj në Ballkanin Perëndimor

Ish-ministri i jashtëm, tani deputet nga Partia Demokratike e Kosovës, Enver Hoxhaj, në një shkrim të tij të publikuar së fundmi në “Conservatives Global”, ka folur për ndikimin dhe menaxhimin e situatës shëndetësore në Ballkanin Perëndimor dhe informatat e rrejshme që Kina dhe Rusia po përhapin në këtë pjesë të globit.

Hoxhaj, ka thënë se Bashkimi Evropian, mund të veprojë si një lojtar global dhe të jetë në gjendje të kuptojë se sit ë tjerat e shikojnë Ballkanin Perëndimor, duke shtuar se ka ardhur koha që BE-ja të përfundojë naivitetin e saj në këtë zonë.

“Ballkani Perëndimor kurrë nuk ka triumfuar pa qartësi strategjike nga Evropa. BE ka qenë fuqia tradicionale në Ballkan për 20-30 vitet e fundit, por pandemia e koronavirusit, e ka çuar në Kinë dhe Rusi, të cilat po përpiqen të marrin ta përsipër”, ka shkruar Hoxhaj.

Ish-ministri Hoxhaj, thotë se pandemia e koronavirusit, ka sjellë një rritje të fushatave dezinformuese dhe propaganduese kineze dhe ruse në të gjithë Ballkanin Perëndimor, ku vendet e rajonit nuk kanë as aftësi dhe as njohuri se si t’i kundërshtojnë ato.

“Së dyti, BE-ja ka mbështetur financiarisht dhe logjistikisht rajonin gjatë pandemisë, por diplomacia kineze dhe ruse është rritur në Ballkan. Kina dhe Rusia asnjëherë më parë nuk kanë qenë aq të përkushtuara për të promovuar statusin e tyre si aktorë global dashamirës, pasi ata mbështesin Serbinë me ndihmë mjekësore.”, ka shkruar Hoxhaj më tutje.

Ai, ka potencuar se rajoni ka bërë përparim të shpejtë në dekadat e fundit drejt demokratizimit, por sipas tij, mund të ketë një kthesë të shpejtë. 

“Demokraci joliberale është pikërisht ajo që Kremlini dhe Pekini do të preferonin ta shihnin në Ballkan. I përshtatet librit të lojërave të tyre”, ka shkruar Hoxhaj.

Deputeti i PDK-së, gjithashtu thotë se që nga viti 2000, BE ka theksuar bashkëpunimin rajonal. 

Sidoqoftë, sipas tij, duhet të jemi të qartë se bashkëpunimi rajonal në Ballkanin Perëndimor, edhe me dhjetëra strukturat dhe institucionet që janë krijuar, nuk ka arritur të tregojë solidaritet gjatë situatës pandemike të koronavirusit në rajon.

Hoxhaj ka shtruar një pyetje për të cilën thotë se Bashkimi Evropian dhe Ballkani Perëndimor do të duhej ta trajtonin.

“Nëse njerëzit nuk përfitojnë nga bashkëpunimi rajonal në kohë krize, a ia vlen t’i ruajë ato në kohë normaliteti? Kjo është një pyetje strategjike që Ballkani Perëndimor dhe Bashkimi Evropian duhet të trajtojnë. BE duhet të përcaktojë qëllime të qarta dhe një kornizë kohore se si dëshiron të përparojë me zgjerimin në Ballkan.”, ka shkruar tutje.

Enver Hoxhaj, i cili kishte qenë edhe zv.kryeministër në mandatin e kaluar qeverisës, ka thënë se Samiti i Zagrebit nuk arriti ta bëjë atë dhe në këtë mjedis të vështirë dhe gjithnjë në ndryshim ndërkombëtar, Ballkani Perëndimor do të triumfojë vetëm kur Evropa të ketë një angazhim të vendosur ndaj Ballkanit Perëndimor.

“BE mund të veprojë si një lojtar global kur të jetë në gjendje të kuptojë se si të tjerët shikojnë Ballkanin Perëndimor dhe si nuk janë në të njëjtën faqe me Bashkimin Evropian. Ka ardhur koha që BE të përfundojë naivitetin e saj në Ballkanin Perëndimor.”, ka përfunduar shkrimin e tij, ish-ministri Enver Hoxhaj.