Udhëtimi i tij i parë në Kosovë ka qenë më 2 janar dhe i fundit më 5 shkurt, shkruan sot Koha Ditore.

Nga verifikimet që ka bërë Prokuroria në sistemin TIMS rezulton se Lushaj ka kryer 6 lëvizje në drejtim të pikës së kalimit kufitar të Vërmicës për të hyrë në Kosovë.

Ai ka përdorur 2 automjete. Lëvizja e parë për 2018-ën ka ndodhur ditën e dytë të vitit, më 2 janar. Lëvizjet e tjera brenda janarit janë bërë më datë 13, 21, 22 dhe 26 janar. Sa i përket shkurtit, ai ka lëvizur më datë 5 të atij muaji.