Ilir Rexhepi, ndër aktorët kryesorë në filmin gjerman “Benede”

Prishtinë | 09 Sht 2016 | 09:56 | Nga

“Jam me fat që isha pjesë e këtij filmi dhe të punoj me regjisorin Johannes Fabrick, i cili shquhet për një mjeshtëri të veçantë regjisoriale si dhe krahas aktorëve Matthias Koeberlin, Barbara Auer dhe Felix Vörtler”, ka thënë shkurt për KultPlus aktori Ilir Rexhepi . Filmi gjerman “Benede” pritet të jepet premierë në vitin 2017

Aktori Ilir Rexhepi po ecë drejt sukseseve të reja në fushën e aktrimit.

Kosovari që jeton në Gjermani është angazhuar në filmin gjerman “Benede” ku luan ndër rolet kryesore, krahas artistëve më të mëdhenj të kinematografisë gjermane.

Besimi që i është dhënë për të luajtur në këtë film paraqet njëherësh suksesi e tij më i madh të deritashëm në fushën filmike.

“Benede” është projekt filmik që realizohet për televizionin publik gjerman ZDF i cili njihet për prodhimin e filmave të njohur.

 

Siç njofton portali ZDF dhe mediet tjera gjermane, xhirimet për këtë film kanë përfunduar këtë javë. Ato kanë zgjatur mbi një muaj dhe janë realizuar në rrethinën e Munihut.

Filmi “Benede” vjen me skenar të Dorothee Schön dhe në regji të Johannes Fabrick, i cili është fuitues i shumë çmimeve në kinematografi dhe njihet si një ndër regjisororët më të mirë gjerman.

Aktori Ilir Rexhepi në një bisedë për KultPlus ka thënë se angazhimi në këtë film është një nder i madh për të.

“Jam me fat që isha pjesë e këtij filmi dhe të punoj me regjisorin Johannes Fabrick, i cili shquhet për një mjeshtëri të veçantë regjisoriale si dhe krahas aktorëve Matthias Koeberlin, Barbara Auer dhe Felix Vörtler”, ka thënë shkurt Rexhepi.

Filmi “Benede” është i bazuar në ngjarje të vërtetë që kishte ndodhur në një familje kroate që ka jetuar në Gjermani.

Personazhi kryesor i filmit Karlos Benede të cilin e luan aktori gjerman Matthias Koeberlin është komisar i policisë që merret me mbrojtjen e fëmijëve të cilët bëhen viktima dhe njëkohësisht dëshmitarë të konflikteve në familje.Kreu i policisë merr në pyetje një djalë i cili quhet Aleksandër rol këtë që e luan Joshio Marlon dhe që ka qenë dëshmitar i vrasjes së nënës së tij.

Aktori Ilir Rexhepi e luan rolin e babait të Aleksandrit ndërsa rolin e nënës së djaloshit dëshmitar, e luan aktorja, Tamara Simunoviq.

Në këtë film janë angazhuar dhjetëra aktorë. Premiera e “Benede” pritet të jepet në vitin 2017.

 

Fjalë Kryesore:

Të ngjashme