Thirrjes së Kryetarit Ramiz Lladrovci për të ndihmuar personelin shëndetësorë në rast nevoje, në këtë situatë emergjente, i janë përgjigjur shumë infermierë vullnetarë. Përveç infermierit Lirim Krasniqi.

Të gatshëm për të kontribuar për Komunën e Drenasit janë treguar edhe disa të tjerë infermierë.

“Edona Karaxha, Agnesa Mulaku, Shqipdona Gjinovci, Ardiana Prokshi-Heta, janë vetëm disa prej infermierëve të cilat kanë shprehur vullnetin për tu bërë pjesë e personelit shëndetësor në QKMF në Drenas, në mënyrë që të menaxhojnë se bashku situatën dhe që të ofrojnë shërbime profesionale e të sigurta për qytetarët”.

Ky numër i vullnetarëve vetëm sa po rritet, mirëpo, nevojat për tu pajisur me maska, doreza e dezinfektuese janë të mëdha për stafin shëndetësor të Drenasit. Andaj, kërkojmë nga Qeveria e Kosovës, përkatësisht Ministria e Shëndetësisë, që të furnizojnë QKMF-në në Drenas dhe QMF-në në Komoran, me pajisje të nevojshme mbrojtëse ndaj virusit COVID-19, thuhet mes tjerash në komunikatë.

Deri tani nuk ka raste të verifikuara me virus COVID në Drenas.