Inxhinieri i komunikacionit rrugor, Bekim Ahmeti, ka deklaruar se policia në automjetet e tyre nuk posedojnë goma të dimrit.

Përveç kësaj, Ahmeti, në emisionin “Paraditja Informative” në Klan Kosova FM, ka thënë që policia nuk ka alkoolmatës dhe se në gjithë Kosovën janë vetëm shtatë radarë, vetëm pesë prej tyre funksionalë.

Pas kësaj, ka reaguar togeri nga Njësiti Rajonal i Komunikacionit Rrugor në Prishtinë, Hysni Zogaj, i cili ka thënë se në patrullim nuk vendosen veturat e cila nuk kanë goma të dimrit.

Ndërsa, duke folur për mungesën e radarëve, Zogaj që ishte mysafir në emision, ka thënë se nuk e ka këtë informacion që janë vetëm pesë radarë funksionalë, njofton Klan Kosova.

“Unë se kam këtë informacion zyrtar, unë e di që çdo njësi i ka laserët e vet”, ka deklaruar Zogaj.