Irlanda mund t’i detyrojë njerëzit të izolohen për 14 ditë pas mbërritjes në vend si pjesë e masave më të ashpra të koronavirusit, ka thënë kryeministri Leo Varadkar.

Sistemi i ri i zbatueshëm me ligj do të zëvendësojë sistemin aktual ku këshillohet vetëm një karantinë 14-ditore në shtëpi.

Kjo masë vjen pasi Boris Johnson njoftoi rregulla të ngjashme për Mbretërinë e Bashkuar, që pritet të hyjnë në fuqi muajin tjetër.

“Mund të kemi nevojë për të shtrënguar pak masat, sepse për momentin janë vetëm masa këshilluese, nuk janë të zbatueshëm me ligj ‘, tha Varadkar për Radio FM sot.

Kufizimet për të hyrë në Irlandë do të duhej të ishin krijuar “të paktën derisa të kemi një lloj marrëveshje ndërkombëtare” për udhëtimet ajrore, tha Varadkar.

Irlanda deri më tani ka bërë rekomandime që të mos lëshohen personat që duan të udhëtojnë jashtë vendit pa pasur nevojë esenciale. Autoritetet kanë të drejtë të ndalojnë në kufi personat që duan të udhëtojnë pa pasur nevojë të domosdoshme.

Ndërkohë, udhëtimet mes Irlandës dhe Irlandës së Veriut nuk janë ndaluar dhe personat që futen nga ky vend nuk duhet të qëndrojnë në izolim.