Kryetari i AAK-së Ramush Haradinaj ka pritur sot një grup të rinjsh nga Tresteniku i Drenasit, të cilët u anëtarësuan në AAK, që deri tani ishin pjesë e partisë Nisma Socialdemokrat.

Haradinaj ka thënë se AAK është bërë adresë e aderimeve të rinisë.

“Aleanca është bërë adresë e aderimeve nga rinia. Përkrahja që ne i kemi dhënë vazhdimisht përfshirjes së rinisë në vendimmarrje, ka krijuar një energji pozitive drejt fuqizimit të organizatës sonë. Sot prita të rinjtë nga Tresteniku i Drenasit, që kanë vendosur të rrugëtojmë së bashku në AAK”, ka shkruar Haradinaj.

Ai i ka siguruar të sapo anëtarësuarit se do ta kenë përkrahjen e tij të vazhdueshme, në angazhimin e tyre në proceset e shtetndërtimit dhe forcimit të mirëqenies së qytetarëve.