Islami i AAK-së: Politika dhe feja nuk duhet të përzihen kurrë

Kandidati për deputet nga AAK-ja, Dardan Islami, ka thënë se shteti dhe feja nuk duhet të përzihen kurrë.

Islami përmes një postimi të një fotografie me mbishkrim, ka shkruar se në vendet ku përzihet feja dhe politika, si në Serbi, Turqi, Arabi Saudite, dihet si qeveriset vendi.

Ai ka theksuar se Kosova, është shtet laik, dhe të drejtat fetare janë të garantuara me kushtetutë.

“Shteti dhe feja, politika dhe feja, nuk duhet të përzihen kurrë, sepse kjo është eksploziv për shoqërinë”, ka shkruar Islami në Facebook.