Një vrasje ka ndodhur sot paradite në ndërtesën e AKI-së në Prishtinë.

Një punëtor sigurimi ka shtënë ndaj një punëtori të shërbimit në këtë ndërtesë duke e lënë të vrarë.

Zëdhënësi i QKUK-së, Shpend Fazliu, tha se një i plagosur që ka ardhur nga incidenti në AKI, ka vdekur si pasojë e plagëve të marra.

Ibrahim Berisha, Zëvendës Kryeprokuror në Prokurorinë Themelore të Prishtinës, e ka konfirmuar këtë.

“Ka ndodhur një vrasje në ndërtesën e AKI-së. Viktima ka vdekur nga plagët. Prokurori tash do të dalë në vend të ngjarjes. Detajet mund t’i japim më vonë”, tha Berisha.

Viktima është Isa Sejdiu, i cili ka qenë shef i kuzhinës në këtë institucion dhe ishte nga qyteti i Vushtrrisë, raporton tribuna channel.

Dyshohet se vrasësi është Valon Ibërdemaj, punëtor i sigurimit në AKI.