Zyra e OKB-së për të drejtat e njeriut (OHCHR) thotë se ka konfirmuar se 331 civilë, përfshirë 19 fëmijë, janë vrarë në Ukrainë që nga fillimi i pushtimit rus më 24 shkurt.

OHCHR, e cila ka vëzhgues në Ukrainë, shtoi se 675 të tjerë ishin plagosur që nga mesnata e së enjtes dhe paralajmëroi se numri i vërtetë i civilëve të vrarë ka të ngjarë të jetë shumë më i lartë, shkruan Al Jazeera.

Shumica e viktimave u vranë nga armë shpërthyese të tilla si granatimet nga artileria e rëndë, sistemet e raketave me shumë lëshime dhe sulmet me raketa dhe ajrore.

Al Jazeera thotë se nuk ishte në gjendje të verifikonte në mënyrë të pavarur shifrat e dhëna.