Kanye West kërcënon gruan e tij me zbulimin e të gjitha sekreteve të saj

Prishtinë | 26 Tet 2020 | 08:48 | Nga Ekonomia Online

Kim Kardashian dhe Kanye West janë ende të martuar, por duket se divorci është i pashmangshëm. Në fakt, Kim ka folur vazhdimisht se ajo ende e do burrin e saj me sëmundje bipolare, por ai padyshim që nuk kultivon të njëjtën dashuri dhe mirëkuptim për të. Kështu që përmes Twitter në statusin “shpërthyes”, të cilin ai e fshiu përfundimisht, ai kërcënoi të dilte me disa sekrete që familja Kardashian po i fsheh nëse vazhdojnë të përpiqen ta fusin në një çmenduri.

Reperi amerikan është i shqetësuar se gruaja e tij po përpiqet ta shtrojë në spital pa lejen e tij dhe ka paralajmëruar se do të lëshojë të gjitha informacionet private në lidhje me familjen e saj të famshme në një përpjekje për ta ndaluar nga plani i saj, transmeton TCH.

Një burim për Mirror tha se Kanye ndihet paranojak dhe është i bindur që Kim dhe nëna e saj Kris Jenner janë kundër tij. Nga ana tjetër, Kim është shumë e shqetësuar për këto kërcënime, por shqetësimi i saj më i madh është ende të ndihmojë burrin e saj, pasi ai me të vërtetë ka nevojë për të, pohon burimi.

Për t’i bërë gjërat më mirë, Kanye iku nga shtëpia kur shkroi statusin e diskutueshëm dhe shkoi në fermën e tij në Eyoming, dhe kjo nuk është hera e parë që e bën këtë. Në një rast, Kim donte të shkonte në fermën e tij me dy mjekë për ta shtruar me forcë për 72 orë, të paktën kështu pretendon Kanye.

Miku i Kanye Damon Dash,tha se këngëtari i njohur nuk mund të quhet i çmendur vetëm pasi ai qau në publik.

“Nëse hidheni në një aeroplan privat dhe vini në fermën tuaj prej 40,000 hektarësh, kjo do të thotë të çmendesh, dhe unë do të doja të çmendesha ashtu”, tha Dash për Page Six.

Por Kim nuk është aq e bindur që Kanye është mirë mendërisht dhe ende këmbëngul se burri i saj ka çrregullim bipolar dhe ka nevojë për ndihmë, për të cilën ajo ka shkruar hapur në rrjetet e saj sociale.

“Ata që kuptojnë sëmundjen mendore ose sjelljen e detyruar, e dinë se familja është e pafuqishme nëse anëtari nuk është i mitur. Njerëzit të cilët nuk kanë përvoja të tilla, nuk mund ta kuptojnë që një individ duhet të përfshihet në procesin e kërkimit të ndihmës pa marrë parasysh sa vështirë përpiqen familja dhe miqtë”, tha Kimi.

Ajo gjithashtu e përshkroi burrin e saj si një person person të shkëlqyeshëm, por të ndërlikuar.

Fjalë Kryesore:

Të ngjashme