Këtë javë i ftuar në “Shiko kush Luan” ishte aktori i humorit Bes Kallaku.

E teksa u duk se mbrëmja po shkonte e qetë, pa ndonjë pyetje provokuese për të ftuarit, për Besin dhe Shakon nuk rezultoi kështu deri në fund, pasi u zgjodhën si përfaqësuesit e skuadrave në lojën “Ndaje ose haje”. Pyetjes se cila ishte moderatorja sportive më e aftë dhe më pak e aftë, Shako sigurisht zgjodhi të mos i përgjigjej, por të hante një nga ushqimet e shpifura.

E ndërsa kështu nuk ndodhi me Besin. Aktori i humorit iu kërkua të zgjidhte vetëm një emër mes dy dashurive të tij të mëdha: nëse do të ishte në një rast rreziku, kë do të shpëtonte Ijen apo Xhensilën? Përgjigja e tij, ishte Xhensila, por për këtë e tha në një mënyrë shumë të bukur, aq sa jemi të sigurt që Ijes së tij, nuk do t’i mbetet hatri.

“Ija do më thoshte: shpëto Xhensilën. Unë normalisht do të bëja ç’të thoshte Ija…Ija do të kuptojë, do shpëtoja Xhensilën”, tha Besi.