Na ndodh të gjithëve që në periudha të ndryshme të ndjejmë fryrje të stomakut. Kjo gjë është shenjë e një problemi digjestiv dhe manifeston përmes barkut të fryrë. Në fakt është një kombinim i gazrave të bllokuar, lëngjeve dhe lëndëve të ngurta në zorrë, që për hir të së vërtetës kthehet në një problem shqetësues.

Fryrja mund të shkaktohet nga një dietë e varfër, stresi, ndotësit e ajrit ose ilaçet. Për fat të mirë është një problem i përkohshëm që nuk zgjat shumë, por duhet të filloni të shqetësoheni nëse shoqërohet me kapsllëk, diarre, vjellje dhe humbje të papritur të peshës.

Më poshtë, mund të lexoni disa këshilla të thjeshta të cilat mund t’jua parandalojnë këtë problem:

Pini shumë ujë çdo ditë

Trupi i njeriut ka nevojë për ujë, që të qëndrojë i hidratuar dhe për të eliminuar problemet si fryrja e stomakut. Ju duhet të pini shumë ujë, në mënyrë që të mbani të hidratuar indet dhe të ndihmoni sistemin e tretjes, shkruan EO. Në të njëjtën kohë, sigurohuni që të shmangni pijet alkoolike, ato me ngjyrues artificial dhe produktet e qumështit të cilat mund të shkaktojnë gazra.

Mos konsumoni shumë ushqime që përmbajnë karbohidrate

Karbohidratet lidhen me molekulat e ujit në trup, duke formuar glikogjen i cili është lëndë djegëse për trupin. Në vend të bukës ose makaronave, hani më shumë perime dhe zarzavate.

Hani vakte të lehta

Ushqimet e rënda janë shkaku kryesor që lidhet me fryrjen e stomakut. Sigurohuni që të mbani veten në kontroll dhe konsumoni vakte të lehta.

Jo shumë natrium në ushqimin tuaj

Ushqimet që përmbajnë sasi të lartë natriumi e bëjnë trupin tuaj të “mbledhë” ujë dhe lëngje. Prandaj kufizoni marrjen në 2500 mg. në ditë.

Shmangni ëmbëlsuesit artificialë

Xylitol, sorbitol, aspartame dhe manitol janë të gjitha alternativa të sheqerit artificial që mund të shkatërrojnë shëndetin tuaj. Ata lidhen me probleme serioze, prandaj mundohuni të mos i konsumoni.

Shtoni sasinë e fibrave në dietën tuaj

Fibrat janë shumë të rëndësishme për tretjen dhe shëndetin tuaj, prandaj nevojitet t’i shtoni në dietën tuaj ditore. Sidoqoftë, fibra e tepërt mund të shkaktojë vështirësi në frymëmarrje dhe probleme të tretjes, kështu që masa e rekomanduar është 20-25 gr në ditë. Pini shumë ujë dhe sistemi juaj i tretjes do të funksionojë në mënyrë të përsosur!

Përtypuni ngadalë

Të ngrënit shpejt mund të shkaktojë fryrje. Hani ngadalë!

Zgjidhni frutat dhe perimet e duhura

Mango, pjeshkë, qershi, rrush, brokoli, lakër etj. janë të gjitha shumë të dobishme për shëndetin tonë, por ato mund të kontribuojnë në fryrjen e stomakut.

Shmangini këto fruta dhe përdorni luleshtrydhet, boronicat, portokallin, si dhe kungujt dhe kastravecët.