Kryeministri në detyrë, Albin Kurti, i është drejtuar sot me një letër presidentit të Kosovës, Hashim Thaçi, në të cilën ia ka rikujtuar se në asnjë rast nuk e ka refuzuar as kërkesën dhe as propozimin e mandatarit, raporton Ekonomia Online.

Tutje, Kurti në letrën e tij ka theksuar se Presidenti Thaçi nuk ka të drejtë e as autorizim kushtetues për të konstatuar se kanë refuzuar propozimin e kandidatit për kryeministër.

“Bazuar në rolin dhe funksionin si President, ju nuk keni të drejtë e as autorizim kushtetues për të konstatuar se kemi refuzuar propozimin e kandidatit për kryeministër kur nuk e kemi bërë këtë; ju nuk e keni në mandat e kompetencë që të përcaktoni përtej Kushtetutës se si e çfarë do të jetë Qeveria, siç keni bërë këtyre ditëve në deklarimet publike; dhe, me keqardhje konstatojmë se ende nuk na jeni përgjigjur se në bazë të cilës pikë të nenit 95 po veproni dhe po na drejtoheni”, thuhet në letrën e Kurtit drejtuar Presidentit Thaçi.

Letra e plotë e Kurtit: