Klinika e Gastroeneterologjisë në QKUK është furnizuar me Videogastroskop dhe Videokolonoskop të ri, me të cilat mjekët do të mund të trajtojnë pacientët me metoda bashkëkohore, transmeton Ekonomia Online.

Menaxhmenti  Shërbimit Spitalor dhe Klinik Universitar të Kosovës (SHSKUK) kishte prioritet furnizimin me aparaturë për këtë klinikë,  e cila në vazhdimësi ishte ballafaquar me mungesë të pajisjeve mjekësore.

Pajisjet janë të vendosura në një shtyllë dhe mundësojnë incizimin e traktit të sipërm (ezofagut, lukthit dhe zorrës dymbëdhjetëgishtore deri në një segment të caktuar).

Po ashtu, me këtë aparaturë mjekët  mund të trajtojnë edhe problemet e shfaqura te trakti i poshtëm digjestiv, që përfshin zorrën e trashë, me mundësi depërtimi deri në 30 centimetra edhe në pjesën përfundimtare të zorrës së hollë.

Me ardhjen e pajisjeve të reja dhe funksionalizimin e dy dhomave shtesë, në Klinikën e Gastroenterologjisë pritjet e pacientëve  për trajtim do të shkurtohen, derisa puna për stafin shëndetësor do të jetë më e lehtë.