Deputeti Endrit Shala nga Nisma-AKR ka thënë se mbështesin buxhetin dhe marrëveshjet që të mos bllokojnë sektorin publik dhe atë privat.

“Asnjë arsye tjetër nuk na justifikon në raport me nevojën e qytetarit të Republikës. Ata i duan pagat e tyre, ata i duan që t’i marrin pagat për detyrën dhe punën që e kryejnë për Republikën e Kosovës. Ne si deputet duhet të kryejmë detyrën tonë, miratimin e këtij buxheti dhe të mos rrezikojmë bllokimin e vendit, dëmtimin e qytetarëve dhe biznesit”, ka theksuar Shala.