Komiteti Olimpik i Kosovës (KOK) ka mbështetur vendimin e ri të marrë nga Qeveria e Kosovës për të pezulluar aktivitetet sportive në ambiente të mbyllura.

KOK-u ka treguar se në lidhje me këto masa ditë më parë është zhvilluar një takim me ministrin e Shëndetësisë, Armend Zemaj dhe ministren e MKRS-së, Vlora Dumoshi dhe drejtuesit e federatave sportive

“KOK-u mbështetë vendimin e ri të Qeverisë së Kosovës, derisa kërkon nga çdo qytetarë i Kosovës t’i përmbahen masave të dala nga Ministria e Shëndetësisë dhe Qeveria për luftimin e pandemisë”, thuhet nga KOK-u.